Psalmi 110

1. (109:1) David canticum dixit Dominus Domino meo sede a dextris meis donec ponam inimicos tuos scabillum pedum tuorum

2. (109:2) virgam fortitudinis tuae emittet Dominus ex Sion dominare in medio inimicorum tuorum

3. (109:3) populi tui spontanei erunt in die fortitudinis tuae in montibus sanctis quasi de vulva orietur tibi ros adulescentiae tuae

4. (109:4) iuravit Dominus et non paenitebit eum tu es sacerdos in aeternum secundum ordinem Melchisedech

5. (109:5) Dominus ad dexteram tuam percussit in die furoris sui reges

6. (109:6) iudicabit in gentibus implebit valles percutiet caput in terra multa

7. (109:7) de torrente in via bibet propterea exaltabit caput