תהילים 4

1. לַמְנַצֵּחַ בִּנְגִינוֹת מִזְמוֹר לְדָוִד: 4:2 בְּקָרְאִי עֲנֵנִי אֱלֹהֵי צִדְקִי בַּצָּר הִרְחַבְתָּ לִּי חָנֵּנִי וּשְׁמַע תְּפִלָּתִי:

2. 4:3 בְּנֵי אִישׁ עַד־מֶה כְבוֹדִי לִכְלִמָּה תֶּאֱהָבוּן רִיק תְּבַקְשׁוּ כָזָב סֶלָה:

3. 4:4 וּדְעוּ כִּי־(הַפְלֵא) יְהוָה [חֲסִידוֹ] יְהוָה יִשְׁמַע בְּקָרְאִי אֵלָיו:

4. 4:5 רִגְזוּ וְאַל־תֶּחֱטָאוּ אִמְרוּ בִלְבַבְכֶם (וְעַל)־מִשְׁכַּבְכֶם [דֹמּוּ] סֶלָה:

5. 4:6 זִבְחוּ זִבְחֵי־צֶדֶק וּבִטְחוּ אֶל־יְהוָה:

6. 4:7 רַבִּים אֹמְרִים מִי־יַרְאֵנו טוֹב נְסָה־עָלֵינוּ אוֹר פָּנֶיךָ יְהוָה:

7. 4:8 נָתַתָּה שִׂמְחָה בְלִבִּי מֵעֵת דְּגָנָם וְתִירוֹשָׁם [וְיִצְהָרָם] רָבּוּ:

8. 4:9 בְּשָׁלוֹם יַחְדָּו אֶשְׁכְּבָה וְאִישָׁן כִּי־אַתָּה יְהוָה לְבָדָד לָבֶטַח תּוֹשִׁיבֵנִי: