תהילים 36

1. לַמְנַצֵּחַ לְעֶבֶד־יְהוָה לְדָוִד: 36:2 נְאֻם־פֶּשַׁע לָרָשָׁע בְּקֶרֶב (לִבּוֹ) אֵין־פַּחַד אֱלֹהִים לְנֶגֶד עֵינָיו:

2. 36:3 כִּי־הֶחֱלִיק אֵלָיו בְּעֵינָיו לִמְצֹא עֲונוֹ לִשְׂנֹא:

3. 36:4 דִּבְרֵי־פִיו אָוֶן וּמִרְמָה חָדַל לְהַשְׂכִּיל לְהֵיטִיב:

4. 36:5 אָוֶן יַחְשֹׁב עַל־מִשְׁכָּבוֹ יִתְיַצֵּב עַל־דֶּרֶךְ לֹא־טוֹב רָע לֹא יִמְאָס:

5. 36:6 יְהוָה בְּהַשָּׁמַיִם חַסְדֶּךָ אֱמוּנָתְךָ עַד־שְׁחָקִים:

6. 36:7 צִדְקָתְךָ כְּהַרְרֵי־אֵל מִשְׁפָּטֶךָ [כִּתְהוֹם] רַבָּה אָדָם־וּבְהֵמָה תוֹשִׁיעַ יְהוָה:

7. 36:8 מַה־יָּקָר חַסְדְּךָ אֱלֹהִים וּבְנֵי אָדָם בְּצֵל כְּנָפֶיךָ יֶחֱסָיוּן:

8. 36:9 יִרְוְיֻן מִדֶּשֶׁן בֵּיתֶךָ וְנַחַל עֲדָנֶיךָ תַשְׁקֵם:

9. 36:10 כִּי־עִמְּךָ מְקוֹר חַיִּים בְּאוֹרְךָ נִרְאֶה־אוֹר:

10. 36:11 מְשֹׁךְ חַסְדְּךָ לְיֹדְעֶיךָ וְצִדְקָתְךָ לְיִשְׁרֵי־לֵב:

11. 36:12 אַל־תְּבוֹאֵנִי רֶגֶל גַּאֲוָה וְיַד־רְשָׁעִים אַל־תְּנִדֵנִי:

12. 36:13 שָׁם נָפְלוּ פֹּעֲלֵי אָוֶן דֹּחוּ וְלֹא־יָכְלוּ קוּם: