ישעה 12

1. וְאָמַרְתָּ בַּיּוֹם הַהוּא אוֹדְךָ יְהוָה כִּי אָנַפְתָּ בִּי [וַיָּשָׁב] אַפְּךָ [וַתְּנַחֲמֵנִי]:

2. הִנֵּה (אֶל־אֵל) יְשׁוּעָתִי אֶבְטַח וְלֹא אֶפְחָד כִּי־עָזִּי (וְזִמְרָתִי יְהוָה) וַיְהִי־לִי לִישׁוּעָה:

3. וּשְׁאַבְתֶּם־מַיִם בְּשָׂשׂוֹן מִמַּעַיְנֵי הַיְשׁוּעָה:

4. וַאֲמַרְתֶּם בַּיּוֹם הַהוּא הוֹדוּ לַיהוָה קִרְאוּ בִשְׁמוֹ הוֹדִיעוּ בָעַמִּים עֲלִילֹתָיו הַזְכִּירוּ כִּי נִשְׂגָּב שְׁמוֹ:

5. זַמְּרוּ יְהוָה כִּי גֵאוּת עָשָׂה (מְיֻדַּעַת) זֹאת בְּכָל־הָאָרֶץ:

6. צַהֲלִי וָרֹנִּי יוֹשֶׁבֶת צִיּוֹן כִּי־גָדוֹל בְּקִרְבֵּךְ קְדוֹשׁ יִשְׂרָאֵל: פ